【爸爸去哪兒】嗯哼突襲攬實小泡芙
新聞來源：賭城天天報發佈作者：網絡綜合報道發佈時間：2017-10-11
《爸爸去哪兒》第五季除咗有陳小春父子討人歡喜外，可愛小泡芙亦吸引到大班泡芙粉，當中最出位的粉絲莫過於嗯哼。
身為泡芙粉絲旗下的「大將軍」，嗯哼身先士卒，早幾集《爸爸去哪兒》已經偷偷錫咗女神一啖，今集「大將軍」再有新作為，竟然直接攬住小泡芙，搞到劉畊宏嬲爆！
最近在《爸爸去哪兒》的未播花絮就見到嗯哼為求可以見多小泡芙一面，就連女神去洗手間的時間都唔放過，要企喺洗手間門口守候！即使爸爸杜江叫嗯哼走，他也懶死唔走，真係癡心情長劍！而當小泡芙自洗手間一出嚟，嗯哼第一句並唔係同她打招呼，竟然係叫她抱抱！又擋住劉畊宏行路，搞到劉畊宏哭笑不得，不過網民最激氣的都係杜江竟然唔喝住嗯哼，由他自己亂咁嚟！
